©Gettyimages
AĠĠORNAMENT: data tal-għeluq ġdida hija d-19 ta’ Novembru 2023
Din il-konsultazzjoni mmirata għandha l-għan li tiġbor feedback mill-partijiet ikkonċernati u mill-Istati Membri dwar l-applikazzjoni tad-dritt ta’ remunerazzjoni ġusta unika skont l-Artikolu 8(2) tad -Direttiva 2006/115/KE dwar id-drittijiet ta’ kiri u self fl-Istati Membri differenti. Hija tfittex ukoll li tiġbor informazzjoni u evidenza dwar il-konsegwenzi tas-sentenza tal-Qorti tal-Ġustizzja tal-Unjoni Ewropea fil- kawża C-265/19 (is-sentenza “RAAP”) kif ukoll feedback dwar l-impatti possibbli ta’ proposta leġiżlattiva. Fis- Sejħa għal Evidenza ppubblikata f’Lulju 2022, il-Kummissjoni ddikjarat li kienet qed tikkunsidra inizjattiva mmirata lejn l-introduzzjoni ta’ reċiproċità materjali għar-remunerazzjoni ta’ artisti u produtturi ta’ fonogrammi minn pajjiżi terzi.
Min jista’ jieħu sehem?
Din il-konsultazzjoni hija mmirata speċifikament lejn il-partijiet interessati fl-industrija tal-mużika rrekordjata, bħall-artisti tal-mużika, il-produtturi tad-diski, atturi oħra fil-katina tal-valur tal-industrija tal-mużika rrekordjata, inklużi l-organizzazzjonijiet kollettivi tal-immaniġġjar tad-drittijiet, u l-utenti kummerċjali tal-mużika rrekordjata bħal xandara tat-televiżjoni u tar-radju, postijiet pubbliċi bħal bars, ristoranti, klabbs u lukandi jew l-organizzazzjonijiet tal-industrija tagħhom.
Il-konsultazzjoni tagħlaq fid- 19 ta’ Novembru 2023. Il-konsultazzjoni mmirata hija disponibbli fuq Stħarriġ tal-UE bl-Ingliż, bil-Franċiż u bil-Ġermaniż. Tista’ twieġeb bi kwalunkwe waħda mil-lingwi uffiċjali tal-UE.
Sommarju tat-tweġibiet għall-konsultazzjoni mmirata
Ir-rapport fil-qosor jagħti ħarsa ġenerali lejn it-tweġibiet ippreżentati mill-partijiet ikkonċernati