L-aċċess għall-konnettività diġitali u għas-servizzi diġitali jibqa’ ħtieġa essenzjali għar-refuġjati li qed jaħarbu mill-Ukrajna, filwaqt li jiġi żgurat li dawn ikunu jistgħu jibqgħu f’kuntatt mal-familja u l-ħbieb, kif ukoll ikollhom aċċess għall-informazzjoni u s-servizzi.
Il-Kummissjoni Ewropea, f’koordinazzjoni mal-operaturi tat-telekomunikazzjoni, ħadet diversi passi biex tiffaċilita l-aċċess għall-konnettività, inkluż billi tiżgura roaming affordabbli jew bla ħlas għal dawk li qed jaħarbu mill-gwerra. Aktar informazzjoni dwar dawn l-isforzi tista’ tinstab fuq il-paġna web iddedikata: Appoġġ lill-Ukrajna permezz diġitali.
Hekk kif tkompli l-gwerra u l-għadd ta’ refuġjati fl-Istati Membri jibqa’ għoli, huma meħtieġa aktar sforzi biex jiġu appoġġati l-ħtiġijiet urġenti tar-refuġjati u l-integrazzjoni tagħhom fl-Istati Membri tal-UE li jospitawhom.
L-awtoritajiet maniġerjali u aġenziji governattivi oħra fl-Istati Membri tal-UE jistgħu jappoġġaw l-aċċess tar-refuġjati għall-konnettività u s-servizzi diġitali permezz ta’, pereżempju, SIM cards, tariffi ta’ abbonament, tablets, u aktar. Barra minn hekk, l-Istati Membri jistgħu jikkunsidraw li jistabbilixxu skemi ta’ vawċers soċjali biex ikopru, kompletament jew parzjalment, l-ispejjeż tal-konnettività, is-servizzi awżiljarji u t-tagħmir.
Peress li l-appoġġ mill-Istat jeħtieġ li jikkonforma ma’ ċerti regoli, b’mod partikolari dwar l-għajnuna mill-Istat, il-Kummissjoni Ewropea ħejjiet fuljett iddedikat ta’ gwida u pariri, b’eżempji ta’ skemi ta’ appoġġ li ġew implimentati b’suċċess, kif ukoll rabtiet ma’ inizjattivi oħra li jistgħu jkunu ta’ għajnuna fl-ippjanar tal-assistenza lir-refuġjati mill-Ukrajna fl-UE.
Aktarminn hekk:
- EUTech4Ukraine: azzjonijiet ta’ telekomunikazzjoni biex jiġu appoġġati r-refuġjati mill-Ukrajna
- Dikjarazzjoni Konġunta mill-operaturi tal-UE u tal-Ukrajna biex jgħinu lir-refuġjati mill-Ukrajna jibqgħu konnessi
Dan il-fuljett inħoloq bħala partimill-ħidma tan-Netwerk tal-Uffiċċji Ewropej ta’ Kompetenza fil-Broadband (BCO)biex titqajjem kuxjenza dwar l-appoġġ tal-UE għall-implimentazzjoni tal-broadband b’veloċità għolja u biex jiġu kondiviżi prattiki tajbin fi proġetti tal-broadband. Skopri aktar intervisti fil-playlisttan-Network BCO YouTube u aktar prattiki tajbin tal-broadband, aħbarijiet u riżorsifil-Librerija tan-Netwerk tal-BCO.