L-emenda mmirata proposta għandha l-għan li tippermetti, permezz ta’ atti ta’ implimentazzjoni tal-Kummissjoni, l-adozzjoni ta’ skemi Ewropej taċ-ċertifikazzjoni taċ-ċibersigurtà għal “servizzi tas-sigurtà ġestiti”, flimkien mal-prodotti tal-informazzjoni u t-teknoloġija (ICT), is-servizzi tal-ICT u l-proċessi tal-ICT, li diġà huma koperti mill-Att dwar iċ-Ċibersigurtà. Is-servizzi tas-sigurtà ġestiti għandhom rwol dejjem aktar importanti fil-prevenzjoni u l-mitigazzjoni tal-inċidenti taċ-ċibersigurtà.
Aċċessa r-regolament propost bil-lingwi uffiċjali kollha tal-UE.