iStock photo Getty Images plus
Margrethe Vestager, il-Viċi President Eżekuttiv għal Ewropa Lesta għall-Era Diġitali, qalet:
Sa mill-2017 gawdejna mit-tmiem tat-tariffi tar-roaming. U, llum żgurajna li nistgħu nżommu dawn il-benefiċċji għal 10 snin oħra biex nibqgħu konnessi u nċemplu, nibagħtu messaġġi u ninnavigaw l-interneT mingħajr spejjeż żejda, meta nivvjaġġaw fl-UE. Fl-istess ħin, b’dan ir-regolament il-ġdid intejbu wkoll il-kwalità tal-esperjenza tar-roaming.
Thierry Breton, il-Kummissarju għas-Suq Intern, qal:
Tqatta’ vaganzi fil-Greċja, l-Awstrija jew il-Bulgarija. Żjara lil klijenti jew fornituri fl-Italja jew fl-Estonja... Il-vjaġġ barra mill-pajjiż mingħajr ma jkollok għalfejn tinkwieta dwar il-kontijiet tat-telefown huwa parti tanġibbli mill-esperjenza tas-Suq Uniku tal-UE għall-Ewropej kollha. Illum, ma aħniex biss niżguraw li din l-esperjenza tkompli, iżda qegħdin intejbuha: kwalità aħjar, servizzi aħjar, aktar trasparenza.
Stqarrija għall-istampa kompluta
Aktar
Mistoqsijiet u Tweġibiet aġġornati dwar ir-Regolament il-ġdid dwar ir-Roaming
Mistoqsijiet u Tweġibiet “Roaming”