Huwa appoġġat minn kontribuzzjoni inizjali ta’ EUR 145 miljun minn Tim Ewropa, inkluż EUR 50 miljun mill-baġit tal-UE biex tingħata spinta lill-kooperazzjoni diġitali bejn iż-żewġ reġjuni.
Margrethe Vestager, il-Viċi President Eżekuttiv għal Ewropa Lesta għall-Era Diġitali, qalet:
Irridu nsaħħu l-ħidma komuni tagħna f’oqsma diġitali kruċjali. Irridu nagħtu spinta lir-rabtiet siguri mas-sħab tal-Amerika Latina u l-Karibew. Flimkien, se nippromwovu l-viżjoni tagħna għal trasformazzjoni diġitali inklużiva, sostenibbli u ċċentrata fuq il-bniedem. Dan jibni fuq id-drittijiet u l-prinċipji diġitali tal-UE u l-Aġenda Diġitali 2024 tal-eLAC.