© William Fortuna
Tá an glao dúnta anois agus tá iarratais á meas
Tar éis glaonna comhchosúla ar thograí in 2020, 2021 agus 2022, leis an nGlao seo ar Thograí cuirtear chun feidhme Gníomhaíocht Ullmhúcháin Pharlaimint na hEorpa ‘Sféar poiblí Eorpach: tairiscint nua meán ar líne d’Eorpaigh óga”. Le buiséad iomlán EUR 9 milliún, tugann sé deis d’eagraíochtaí meán nuachta agus d’eagraíochtaí neamhbhrabúis (an óige) tionscadail uaillmhianacha trasteorann a sheoladh.
Leis an nglao, féachtar leis an Aontas Eorpach a thabhairt níos gaire do dhaoine óga, iad a spreagadh le bheith ina saoránaigh ghníomhacha agus iad a nascadh thar theorainneacha. Is é cuspóir na gníomhaíochta seo infhaighteacht faisnéise ar líne a mhéadú, i dteangacha éagsúla, faoi ábhair Eorpacha a mbíonn tionchar acu ar dhaoine óga ar fud an Aontais, a chuirtear i láthair i bhformáidí tarraingteacha agus trí dhearcthaí iomadúla. Ba cheart go bhféachfadh tionscadail le pléití tarraingteacha a chruthú agus imeachtaí óige a eagrú. Áireofar sna comhaontuithe deontais cairt neamhspleáchais chun a chinntiú go mbeidh na deontaithe saor ó eagarthóireacht agus go bhfeidhmíonn siad gan aon chur isteach polaitiúil.
Ba cheart tús a chur le tionscadail i samhradh 2024, le fad táscach 14 mhí. Tá an Coimisiún ag súil go dtacóidh sé le ceithre thogra, le deontas uasta socraithe ag EUR 3.2 milliún. Is é 80 % de na costais incháilithe an t-uasráta cómhaoinithe, ach féadfaidh iarratasóirí ráta cómhaoinithe níos ísle a mholadh.
Na torthaí a bhfuiltear ag súil leo
- Comhoibriú idir cúig eagraíocht ar a laghad ó chúig Bhallstát AE;
- Inneachar laethúil, a spreagann smaointe maidir le cúrsaí reatha, a chruthú, trí phróisis eagarthóireachta nuálacha trasteorann;
- Plean for-rochtana, chun teagmháil a dhéanamh leis an oiread Eorpach óg agus is féidir;
- Dáileadh trí bhealaí féin, trí shuíomhanna gréasáin comhpháirtíochta, trí bhlaganna agus/nó trí líonraí meán sóisialta;
- Plé tarraingteach agus imeachtaí don óige.
Tuilleadh eolais
- Tá an glao ar thograí, na foirmeacha iarratais agus na doiciméid ábhartha uile ar fáil thíos.
- Is féidir ceisteanna a sheoladh chuig CNECT-NEWSMEDIA@ec.europa.eu go dtí an 22 Eanáir 2024 ar a dhéanaí. Foilseofar na ceisteanna agus na freagraí go léir, gan ainm a lua leo, ar an leathanach seo.
- Chun forléargas a fháil ar dheiseanna deontais eile do na meáin nuachta, féach an t-eolas is déanaí ar an leathanach seo.
- Is féidir leat liostáil chun nuashonruithe uathoibríocha a fháil aon uair a fhoilsítear ailt a bhaineann leis na meáin ar shuíomh gréasáin CNECT.
- Forbhreathnú ar thionscadail na meán nuachta
- Tionscadail meán don óige a maoiníodh roimhe seo
(Má léitear i dteanga eile é, féach an bunleagan Béarla do dhoiciméid an ghlao.)