Ir-rapport huwa parti mill-monitoraġġ regolari kif speċifikat mid-Direttiva dwar is-Servizzi tal-Media Awdjoviżiva (id-Direttiva 2010/13/UE). Tkopri s-snin mill-2015 sal-2019 kemm għal servizzi mhux lineari kif ukoll għal servizzi lineari u hija bbażata fuq rapporti nazzjonali pprovduti mill-Istati Membri dwar l-applikazzjoni tal-Artikoli 13, 16 u 17, kif ukoll fuq studju indipendenti.
Fir-rigward tas-servizzi tal-video on-demand mhux lineari, ir-rapport juri li dawn żdiedu b’ 44 % matul il-perjodu ta’ referenza u s-suq tagħhom fl-Istati Membri tal-UE kiber f’termini ta’ dħul. Rigward il-qafas legali tagħhom, ir-rapport jiddeskrivi l-emendi fil-leġiżlazzjoni nazzjonali u fis-sistemi ta’ monitoraġġ tagħhom f’nofs l-Istati Membri.
Fir-rigward tas-servizzi tal-media awdjoviżiva lineari, ir-rapport jenfasizza li d-dispożizzjonijiet rispettivi fid-Direttiva dwar il-kwoti ta’ xogħlijiet Ewropej u xogħlijiet indipendenti, b’mod ġenerali, qed jiġu implimentati sew u ‘l fuq mil-limiti massimi mill-Istati Membri.
L-implimentazzjoni tal-obbligi skont id-Direttiva riveduta dwar is-Servizzi Awdjoviżivi u tal-Media (id-Direttiva (UE) 2018/1808), li tkopri s-snin 2020–2021, se tkun soġġetta għal rapport separat.