Pubblikazzjoni ta’ post vakanti għall-kariga ta’ Direttur Eżekuttiv — Ċentru Ewropew ta’ Kompetenza Industrijali, Teknoloġika u tar-Riċerka fil-qasam taċ-Ċibersigurtà

Din hija pożizzjoni ta’ maniġer superjuri biex tmexxi tim multidixxiplinari ta’ professjonisti msejħa biex jappoġġaw qasam ta’ prijorità ewlieni għall-futur tal-Unjoni Ewropea. Id-Direttur Eżekuttiv għandu jkun responsabbli għall-operazzjonijiet u l-ġestjoni ta’ kuljum taċ-Ċentru u għandu jkun ir-rappreżentant legali tiegħu. Id-Direttur Eżekuttiv għandu jkun responsabbli quddiem il-Bord ta’ Tmexxija u jaqdi dmirijietu b’indipendenza sħiħa fil-limiti tas-setgħat mogħtija lilu. Id-Direttur Eżekuttiv għandu jkun appoġġat mill-persunal taċ-Ċentru.