Forum għal Internet Aktar Sikur

Il-Forum għal Internet Aktar Sikur huwa l-konferenza internazzjonali annwali ewlenija dwar is-sikurezza online tat-tfal fl-Ewropa taħt l-istrateġijal-ġdidagħal internet aħjar għat-tfal (BIK+). Kull sena, f’Novembru, il-Forum għal Internet Aktar Sikur ilaqqa’ flimkien partijiet ikkonċernati minn pajjiżi madwar l-Ewropa kollha, u xi drabi lil hinn minnha, biex jiddiskutu l-aħħar xejriet, riskji u soluzzjonijiet relatati mas-sikurezza online tat-tfal u l-impatt tat-teknoloġija fuq l-individwi u s-soċjetà.

Mill-ewwel edizzjoni tiegħu fl-2004, il-forum attira madwar 300 parteċipant kull sena, u d-doppju f’ambjent online, inklużi rappreżentanti minnĊentri nazzjonaligħal Internet Aktar Sikur, ministeri, gvernijiet u Istituzzjonijiet Ewropej. Attendew ukoll il-ġenituri, l-għalliema, il-carers, l-akkademiċi, ir-riċerkaturi, il-ħaddiema soċjali, is-sħab tal-industrija u l-NGOs.

Karatteristika waħda tal-forum hija l-involviment dirett taż-żgħażagħ permezz tal-Paneltaż-Żgħażagħtal-BIK, li jippreżentaw l-ideat tagħhom għal internet aħjar u aktar sikur u r-riżultati tal-proċessi ta’ kokreazzjoni tagħhom, li jseħħu matul is-sena. 

Id-dettalji, id-diskussjonijiet, il-konklużjonijiet u r-rakkomandazzjonijiet kollha mill-avvenimenti jistgħu jinstabu fuq is-sitweb iddedikat tal-Forum għal Internet Aktar Sikur fuq il-portal better-internet-for-kids.europa.eu.

• 2025: Għaliex l-età hija importanti: Il-protezzjoni u l-għoti tas-setgħa liż-żgħażagħ fl-eradiġitali.
• 2024: "Fejn hi l-ħsara? Il-protezzjoni tat-tfal u ż-żgħażagħ kontra kontenut mhux xieraq u l-bullying online"
• 2023: “L-għoti tas-setgħa liż-żgħażagħ bil-ħiliet għad-deċennju diġitali”
• 2022: “Deċennju Diġitali għat-tfal u ż-żgħażagħ: BIK+ għall-protezzjoni, l-għoti tas-setgħa u r-rispett!”
• 2021: “Insawru #DigitalDecade4YOUth – kif nagħmlu d-Deċennju Diġitali tal-Ewropa adattat għat-tfal u ż-żgħażagħ”
• 2020: “Vantaġġi (ż)diġitali: il-ħolqien ta’ dinja inklużiva għat-tfal u ż-żgħażagħ online”
• 2019: “Mill-vjolenza online għar-rispett diġitali”
• 2018: "L-impatt tat-teknoloġija fuq it-tfal, iż-żgħażagħ u s-soċjetà"
• 2017: “Mit-teknoloġija tat-tfal għal żgħażagħ reżiljenti – kif jista’ jitrawwem il-benesseri online?”
• 2016: “Kun il-bidla: prinċipji, politiki u prattiki għal internet aħjar”
• 2015: “Negħlbu l-ostakli għal internet aħjar”
• 2014: “Nikbru b’mod diġitali”
• 2013: “Internet Aħjar Miegħek (minn hawn ’il quddiem)”
• 2012: “Internet aktar sikur/aħjar huwa responsabbiltà kondiviża bejnietna lkoll”
• 2011: "Kull tifel u tifla Ewropej diġitali b'mod sikur - Sfidi emerġenti u involviment taż-żgħażagħ"
• 2010: “Opportunitajiet u riskji online”
• 2009: “Il-promozzjoni tas-sikurezza online fl-iskejjel”
• 2008: “In-networking soċjali u t-tfal, il-verifika tal-età, l-użu mit-tfal ta’ teknoloġiji online u l-klassifikazzjoni tal-media”
• 2007: “L-abbuż sesswali tat-tfal relatat mal-internet, is-sensibilizzazzjoni u l-konverġenza tat-teknoloġiji online”
• 2006:“L-użu mit-tfal ta' media ġdida u l-imblukkar tal-aċċess għal kontenut illegali”
• 2005: “Is-sikurezza tat-tfal u l-mowbajls”
• 2004: “Lejn Kodiċi ta’ Kondotta Ewropew għall-Fornituri tas-Servizz tal-Internet – protezzjoni tal-minorenni”