Iarrtar ar na VLOPanna sin agus ar na VLOSEanna sin tuilleadh faisnéise a chur ar fáil maidir leis na bearta atá déanta acu chun an oibleagáid a chomhlíonadh maidir le rochtain a thabhairt, gan moill mhíchuí, ar na sonraí atá inrochtana go poiblí ar a gcomhéadan ar líne do thaighdeoirí incháilithe.
Tá rochtain ar shonraí ag taighdeoirí ríthábhachtach chun cuntasacht agus grinnscrúdú poiblí ar bheartais na n-ardán a áirithiú. Cuireann rochtain taighdeora ar shonraí atá ar fáil go poiblí go mór le spriocanna DSA, rud a bhfuil tábhacht ar leith ag baint leis i bhfianaise imeachtaí atá ar na bacáin amhail toghcháin ar an leibhéal náisiúnta agus ar leibhéal an Aontais, chomh maith le faireachán leanúnach a dhéanamh ar láithreacht ábhair neamhdhleathaigh agus earraí neamhdhleathacha ar ardáin ar líne.
Ní mór do na 17 VLOP agus VLOSEanna an fhaisnéis a iarrtar a sholáthar don Choimisiún faoin 8 Feabhra 2024. Bunaithe ar mheasúnú na bhfreagraí, cinnfidh an Coimisiún na chéad chéimeanna eile.
Tar éis iad a ainmniú mar Ardáin an-Mhór ar Líne nó mar Innill Chuardaigh, tá sé de cheangal ar na 17 VLOP agus VLOSE an tacar iomlán forálacha a tugadh isteach leis an Ionstraim um Sheirbhísí Digiteacha a chomhlíonadh, lena n-áirítear an fhoráil maidir le rochtain ar shonraí.
An 18 Nollaig 2023, chuir an Coimisiún tús le himeachtaí foirmiúla um shárú in aghaidh VLOP X ar roinnt foras, lena n-áirítear sáruithe amhrasta ar na hoibleagáidí a bhaineann le rochtain ar shonraí do thaighdeoirí.
Léigh tuilleadh faoi: