![ritratt ta’ kamra tal-kontroll bil-moniters u skrin kbir tal-ħajt](/sites/default/files/styles/large/public/newsroom/items/cybersecuritycenter_UINBWTEaEfFADB2sBYRLu4sMY_107805.jpg?itok=m35nKB0k)
L-entitajiet kritiċi Ewropej huma aktar interkonnessi u interdipendenti, li jagħmilhom aktar b’saħħithom u aktar effiċjenti iżda wkoll aktar vulnerabbli f’każ ta’ inċident. Il-gwerra ta’ aggressjoni tar-Russja kontra l-Ukrajna ġabet magħha riskji ġodda, attakki fiżiċi u ċibernetiċi, spiss ikkombinati bħala theddida ibrida. Is-sabotaġġ tal-pipelines tal-gass Nord Stream u inċidenti reċenti oħra għamluha ċara li r-reżiljenza tal-infrastruttura kritika tal-UE tinsab mhedda. Hemm bżonn urġenti ta’ azzjoni biex tiżdied il-kapaċità tal-UE li tipproteġi lilha nnifisha kontra attakki fuq infrastruttura kritika, kemm fl-UE kif ukoll fil-viċinat dirett tagħha.