l-UE u l-Ġappun javvanzaw il-ħidma konġunta dwar l-identità diġitali, is-semikondutturi, l-intelliġenza artifiċjali

Il-Kunsill kien kopresedut mill-Kummissarju għas-Suq Intern, Thierry Breton, u mill-Ministru Ġappuniż għat-Trasformazzjoni Diġitali, Taro Kono, il-Ministru għall-Affarijiet Interni u l-Komunikazzjoni, Takeaki Matsumoto, u l-Viċi Ministru Parlamentari għall-Ekonomija, il-Kummerċ u l-Industrija, Taku Ishii.

l-UE u l-Ġappun affermaw mill-ġdid l-importanza tas-sħubija strateġika tagħhom biex jippromwovu l-valuri u l-viżjoni kondiviżi tagħhom għal trasformazzjoni diġitali li tpoġġi lin-nies fiċ-ċentru u tirrispetta d-drittijiet fundamentali. Is-sħab laqgħu l-implimentazzjoni b’suċċess tas-Sħubija Diġitali u evalwaw il-progress miksub mill- ewwel Kunsill ta’ Sħubija Diġitali fl-2023. Huma qablu dwar lista ta’ riżultati tanġibbli ġodda biex jikkooperaw aktar dwar teknoloġiji diġitali ewlenin bħall-intelliġenza artifiċjali (IA), il-5G, is-6G, is-semikondutturi, il-computing ta’ prestazzjoni għolja (HPC) u t-teknoloġija kwantistika, it-tisħiħ tal-kollaborazzjoni fl-ekonomija tad-data u tal-pjattaformi, il-kejbils sottomarini, l-identifikazzjoni elettronika u ċ-ċibersigurtà.

Aqra l-istqarrija għall- istampa sħiħa u tgħallem aktar dwar is- Sħubijiet Diġitali tal-UE.