iStock photo Getty Images plus
Margrethe Vestager, il-Viċi President Eżekuttiv għal Ewropa Lesta għall-Era Diġitali, qalet:
Mal-Kunsill tal-Kummerċ u t-Teknoloġija nagħtu ħajja ġdida lir-relazzjoni tagħna bbażata fuq il-valuri demokratiċi komuni tagħna. Dan se jgħin biex jixpruna t-trasformazzjoni diġitali tal-ekonomiji tagħna, jagħti spinta lill-kummerċ u l-investiment u jibni ktajjen tal-provvista reżiljenti u sostenibbli. Flimkien, nistgħu niżguraw li teknoloġiji ġodda jiġu żviluppati u skjerati b’modi li jħarsu l-valuri tagħna u javvanzaw l-isforzi tagħna biex nindirizzaw il-kriżi tat-tibdil fil-klima.
Valdis Dombrovskis, il-Viċi President Eżekuttiv għal Ekonomija għas-servizz tan-nies, qal:
Din l-ewwel laqgħa tat-TTC timmarka kapitolu ġdid fir-relazzjonijiet transatlantiċi tagħna. Illum, l-UE u l-Istati Uniti impenjaw ruħhom li jaħdmu b’pass mgħaġġel biex flimkien isawru l-istandards u r-regoli li se jappoġġaw lin-negozji, lill-ħaddiema u lill-konsumaturi tagħna fis-seklu 21. Dan huwa dwar l-iżgurar li t-teknoloġija tista’ tittrasforma ħajjitna għall-aħjar, bil-valuri u l-kontrolli t-tajba fis-seħħ. U dwar kooperazzjoni aktar profonda biex jiġu indirizzati l-isfidi kummerċjali reċiproċi. Issa se nmexxu’ l quddiem din il-ħidma flimkien ma’ firxa wiesgħa ta’ partijiet ikkonċernati.
L-ewwel laqgħa tat-TTC stabbiliet ukoll programmi ta’ ħidma ċari għal kull wieħed mill-10-il grupp ta’ ħidma tat-TTC. Il-laqgħat futuri se jiffukaw fuq id-definizzjoni ta’ ambizzjonijiet f’oqsma daqstant importanti bħall-governanza tad-data u l-pjattaformi tat-teknoloġija, it-teknoloġija nadifa, l-aċċess tal-SMEs għad-diġitali, is-sigurtà u l-kompetittività tal-ICT u l-ġlieda kontra l-użu ħażin tat-teknoloġija. Id-dikjarazzjoni konġunta sħiħa hija disponibbli online. Aktar informazzjoni hija disponibbli wkoll fi skeda informattiva dwar l-ewwel laqgħa, u skeda informattiva ġenerali dwar it-TTC.
Aktar informazzjoni dwar id-Diġitali fil-Kunsill tal-Kummerċ u t-Teknoloġija