European Commission
Cuireann sé le luachanna agus saoirsí lárnacha an Aontais agus rachaidh sé chun tairbhe do gach duine aonair agus do gach gnólacht. Cuirfidh an dearbhú treoir ar fáil freisin do lucht déanta beartas agus do chuideachtaí agus iad ag déileáil le teicneolaíochtaí nua. Dírítear sa dearbhú ar shé phríomhréimse: daoine a chur i gcroílár an chlaochlaithe dhigitigh; dlúthpháirtíocht agus cuimsiú; saoirse rogha; rannpháirtíocht sa saol digiteach; sábháilteacht agus slándáil; agus inbhuanaitheacht.
Seo mar a labhair Margrethe Vestager, an Leas-Uachtarán Feidhmiúcháin um Eoraip atá oiriúnach don Aois Dhigiteach:
Is éard atá i gceist leis an gclaochlú digiteach a áirithiú go bhfuil na teicneolaíochtaí sábháilte. Go n-oibríonn siad ar mhaithe lenár leasanna agus go n-urramaíonn siad ár gcearta agus ár luachanna. Leanfaidh reachtaíocht an Aontais de thacaíocht a thabhairt do na prionsabail i ndearbhú na gceart digiteach agus na bprionsabal digiteach.
Dúirt an Coimisinéir Thierry Breton:
Cinnteoidh an dearbhú maidir le cearta agus prionsabail dhigiteacha gurb í an Eoraip an sprioc atá á lorg ag muintir na mór-roinne chun treoir a fháil maidir leis an gclaochlú digiteach. Cumhdaítear ann luachanna atá á n-oibriú againn cheana féin, amhail nascacht den scoth, rochtain ar sheirbhísí poiblí, agus saol digiteach sábháilte.
Tuilleadh eolais
- Cearta agus Prionsabail Dhigiteacha Eorpacha
- Dearbhúmaidir le cearta digiteacha agus prionsabail dhigiteacha do chách san Aontas curtha i láthair ag an gCoimisiún (preaseisiúint an 26 Eanáir 2022)