iStock photo Getty images plus
Amazon trid tipprovdi l-informazzjoni mitluba lill-Kummissjoni sas-6 ta’ Diċembru 2023. Abbażi tal-valutazzjoni tat-tweġibiet ta’ Amazon, il-Kummissjoni se tivvaluta l-passi li jmiss. Dan jista’ jinvolvi l-ftuħ formali ta’ proċedimenti skont l-Artikolu 66 tad-DSA.
Skont l-Artikolu 74(2) tad-DSA, il-Kummissjoni tista’ timponi multi għal informazzjoni skorretta, mhux kompluta jew qarrieqa bi tweġiba għal talba għal informazzjoni. F’każ ta’ nuqqas ta’ tweġiba minn Amazon, il-Kummissjoni tista’ tiddeċiedi li titlob l-informazzjoni permezz ta’ deċiżjoni. F’dan il-każ, in-nuqqas ta’ tweġiba sal-iskadenza jista’ jwassal għall-impożizzjoni ta’ pagamenti perjodiċi ta’ penali.
Wara l-ħatra tagħha bħala Pjattaforma Online Kbar Ħafna, Amazon hija meħtieġa tikkonforma mad-DSA, inklużi l-valutazzjoni u l-mitigazzjoni tar-riskji relatati mat-tixrid ta’ kontenut illegali u dannuż u kwalunkwe effett negattiv fuq l-eżerċizzju tad-drittijiet fundamentali.