Cuireann an Grúpa Geallsealbhóirí r-Shláinte comhairle agus saineolas ar fáil don Choimisiún, go háirithe maidir le hábhair a leagtar amach sa Teachtaireacht maidir le claochlú digiteach na sláinte agus an chúraim a chumasú.
Athsheoladh an grúpa in 2020 agus thionóil sé a chéad chruinniú an 13 Iúil 2020.
Is brateagraíochtaí agus cumainn iad comhaltaí uile an Ghrúpa Geallsealbhóirí r-Shláinte a bhfuil for-rochtain Eorpach acu. Déanann siad ionadaíocht ar na hearnálacha agus ar na grúpaí seo a leanas: tionscal na teicneolaíochta sláinte, othair, gairmithe cúraim sláinte agus an pobal taighde.
Cuireann an Grúpa Geallsealbhóirí r-Shláinte eolas ar fáil go háirithe maidir leis na réimsí seo a leanas:
- sonraí sláinte, lena n-áirítear an Moladh ón gCoimisiún maidir le formáid malartaithe Eorpach na ríomhthaifead sláinte a thabhairt ar aghaidh agus tuilleadh mionsaothraithe a dhéanamh ar thacar bonnlíne na sonraíochtaí teicniúla agus idir-inoibritheacht níos fearr;
- seirbhísí sláinte digití;
- saincheisteanna maidir le cosaint sonraí sláinte agus príobháideachas;
- cibearshlándáil le haghaidh sonraí sláinte agus cúraim;
- uirlisí digiteacha le haghaidh cumhachtú saoránach agus cúram daonlárnach;
- an intleacht shaorga agus an tsláinte;
- gnéithe cothrománacha a bhaineann le claochlú digiteach na sláinte agus an chúraim sláinte, amhail tograí maoiniúcháin agus infheistíochta agus teicneolaíochtaí cumasúcháin.
Déantar faisnéis faoi chomhaltaí, faoi chruinnithe, lena n-áirítear clár oibre agus miontuairiscí, a fhoilsiú go rialta sa Chlár de Ghrúpaí Saineolaithe an Choimisiúin.
An Nuacht is Déanaí
Ábhar Gaolmhar
An Pictiúr Mór