Cearta agus Prionsabail Dhigiteacha Eorpacha

Ba cheart donteicneolaíocht freastal ar gach duine atá ina chónaí san Aontas agus dul chun tairbhe dóibh agus iad a chumhachtú chun a mianta a bhaint amach. Níor cheart go sáródh sé a slándáil ná a gcearta bunúsacha. 

Geallannan tAontas agus na Ballstáit go gcinnteoidh siad go rachaidh an claochlú digiteach chun tairbhe do chách agus go gcuirfidh sé feabhas ar shaol gach duine atá ina gcónaí san Aontas. Déanann siad bearta chun a chinntiú go n-urramaítear ár gcearta ar líne agus as líne agus cuireann siad an cur chuige sin chun cinn sa bhaile agus ar an leibhéal idirnáisiúnta araon. 

Tá rochtain uilíoch ar theicneolaíocht chuimsitheach a sheasann le cearta an Aontais ríthábhachtach. Ba chóir do gach duine: 

Tá gealltanas tugtha ag an Aontas agus ag na Ballstáit gan aon duine a fhágáil ar lár, tacú leis na hiarrachtaí chun na hinstitiúidí oideachais agus oiliúna uile a fheistiú, an ceart chun dícheangail ón obair a áirithiú, agus céannacht dhigiteacha chur ar fáil lena dtugtar rochtain ar raon leathan seirbhísí ar líne.

Ba cheart go mbeadhsé de chumhacht ag gach duine a roghanna eolasacha féin a dhéanamh ar líne. Áirítear leis sin agus idirghníomhú á dhéanamh le córais intleachta saorga, ar cheart dóibh a bheith ina n-uirlis do dhaoine, agus é mar aidhm dheiridh folláine an duine a mhéadú. 

Geallann an tAontas agus na Ballstáit go háirithe córais intleachta saorga atá duinelárnach, iontaofa agus eiticiúil a chur chun cinn, a úsáidtear ar bhealach trédhearcach agus i gcomhréir le luachanna an Aontais.

Áirítear lesaoirse rogha freisin a bheith saor chun na seirbhísí ar líne a úsáidimid a roghnú, bunaithe ar fhaisnéis oibiachtúil, thrédhearcach agus iontaofa. Is éard atá i gceist leis sin, dá réir sin, a chinntiú go mbeidh sé de chumhacht ag gnólachtaí dul san iomaíocht agus a bheith nuálach sa saol digiteach.

Ba cheart rochtain a bheith aggach duine ar thimpeallacht iontaofa, éagsúil agus ilteangach ar líne agus ba cheart go mbeadh a fhios acu cé leis na seirbhísí atá á n-úsáid acu nó cé a rialaíonn na seirbhísí sin. Spreagann sé sin díospóireacht phoiblí iolraíoch agus rannpháirtíocht sa daonlathas.  

Leagtar béim sa Dearbhú freisin ar an ngá atá le timpeallacht dhigiteach a chruthú lena gcosnófar daoine ar bhréagaisnéis, ar ionramháil faisnéise agus ar chineálacha eile inneachair dhíobhálaigh, lena n-áirítear ciapadh agus foréigean inscnebhunaithe. Aithníonn sé an ról atá ag ardáin an-mhór ar líne sa chomhthéacs sin agus iarrann sé orthu na rioscaí a eascraíonn as feidhmiú agus úsáid a gcuid seirbhísí a mhaolú. 

Geallann an tAontas agus na Ballstáit go háirithe go dtacóidh siad le rochtain éifeachtach ar ábhar digiteach a léiríonn éagsúlacht chultúrtha agus teanga san Aontas. 

Ba cheart rochtain a bheith aggach duine ar theicneolaíochtaí, táirgí agus seirbhísí digiteacha atá sábháilte, slán agus cosanta ó thaobh an phríobháideachais de. Geallann an tAontas agus na Ballstáit go háirithe leasanna daoine, gnólachtaí agus seirbhísí poiblí a chosaint ar an gcibearchoireacht, agus a chinntiú go bhfuil smacht éifeachtach ag gach duine ar a gcuid sonraí pearsanta agus neamhphearsanta i gcomhréir le dlí an Aontais. 

Ba cheartleanaí agus daoine óga a chumhachtú chun roghanna sábháilte agus eolasacha a dhéanamh agus a gcruthaitheacht a chur in iúl sa timpeallacht dhigiteach. Geallannan tAontas agus na Ballstáit freisin eispéiris dhearfacha a chur chun cinn do leanaí agus do dhaoine óga i dtimpeallacht dhigiteach atá oiriúnach ó thaobh aoise de agus sábháilte, agus iad a chosaint ar ábhar díobhálach agus neamhdhleathach, ar dhúshaothrú, ar chúbláil agus ar mhí-úsáid ar líne. 

Tá dlúthnasc idir an t-aistriú digiteach agus an t-aistriú glas. Cé go gcuireann teicneolaíochtaí digiteacha go leor réitigh ar fáil maidir leis an athrú aeráide, ní mór dúinn a chinntiú nach gcuireann siad leis an bhfadhb iad féin. Ba cheart táirgí agus seirbhísí digiteacha a dhearadh, a tháirgeadh agus a dhiúscairt ar bhealach inbhuanaithe. 

Geallannan tAontas agus na Ballstáit go dtacóidh siad le teicneolaíochtaí digiteacha a bhfuil na héifeachtaí diúltacha is lú acu ar an gcomhshaol agus ar an tsochaí. Is é an aidhm atá ann teicneolaíochtaí digiteacha a bhfuil tionchar dearfach acu ar an gcomhshaol agus ar an aeráid a chur chun cinn, rud a chuirfidh leis an aistriú glas. Geallann siad freisin caighdeáin agus lipéid inbhuanaitheachta a chur chun cinn le haghaidh táirgí agus seirbhísí digiteacha, chun tuilleadh faisnéise a chur ar fáil do dhaoine maidir lena dtionchar ar an gcomhshaol. 

Leis an Dearbhú Eorpach maidir le Cearta Digiteacha agus Prionsabail Dhigiteacha, cuirtear nasc ar fáil do shaoránaigh le dlíthe agus beartais dhigiteacha an Aontais, mar léiríonn sé treo taistil an Aontais ar a thuras chuig an gclaochlú digiteach.

Déanann an Coimisiún faireachán ar chur i bhfeidhm na gceart digiteach agus na bprionsabal digiteach ar fud an Aontais agus foilsíonn sé a fhaireachán bliantúil in éineacht leis an Tuarascáil arStaid na Deacáide Digití. Is é is aidhm don tuarascáil faireacháin a thaispeáint cá mhéad a fhanann an tAontas agus na Ballstáit ar an gcúrsa le linn an aistir sin. Trí dhea-chleachtais na mBallstát, tá sé d’aidhm aige tuilleadh gníomhaíochta a spreagadh ar fud an Aontais.

Treoraíonn an Dearbhú an tAontas ina chaidreamh idirnáisiúnta freisin, rud a chuidíonn le claochlú digiteach domhanda a mhúnlú a chuireann daoine agus cearta an duine i gcroílár an chlaochlaithe sin.

Tá gealltanas tugtha ag an gCoimisiún tuairisciú go tráthrialta don Pharlaimint agus don Chomhairle maidir leis an dul chun cinn atá déanta i gcur chun cinn agus i gcur chun feidhme an Dearbhaithe. Tá tuarascáil 2024 ar fáil (PDF), mar aon leis an staidéar tacaíochta.