Plean Comhordaithe maidir leis an Intleacht Shaorga

Léiríonn an Plean Comhordaithe maidir leis an Intleacht Shaorga (IS) tiomantas na hEorpa ceannaireacht dhomhanda a chruthú san intleacht shaorga iontaofa. Foilsíodh an nuashonrú is déanaí a rinneadh ar an bplean in 2021 agus tá sé ailínithe go dlúth le tosaíochtaí digiteacha agus glasa an Choimisiúin chomh maith le freagairt na hEorpa ar phaindéim COVID-19.

Foilsíodhan Plean Comhordaithe den chéad uair in 2018 mar ghealltanas comhpháirteach idir an Coimisiún, Ballstáit an Aontais, an Iorua agus an Eilvéis chun an leas is fearr is féidir a bhaint as cumas na hEorpa dul san iomaíocht ar fud an domhain. Mar chéad chéim i dtreo an ghealltanais sin, sainíodh gníomhaíochtaí agus ionstraimí cistiúcháin sa Phlean tosaigh maidir le glacadh agus forbairt na hintleachta saorga ar fud na n-earnálacha. Ag an am céanna, moladh do na Ballstáit a gcuid straitéisí náisiúnta féin a fhorbairt

Is é is aidhm do Phlean Comhordaithe 2021 gníomhaíocht a dhéanamh den straitéis trí na nithe seo a leanas a spreagadh:

• dlús a chur le hinfheistíochtaí i dteicneolaíochtaí intleachta saorga chun dlús a chur le téarnamh eacnamaíoch agus sóisialta athléimneach a chuirtear ar fáil trí réitigh dhigiteacha nua a ghlacadh
• gníomhú maidir le straitéisí agus cláir intleachta saorga trína gcur chun feidhme go hiomlán agus go tráthúil chun a áirithiú go mbainfidh an tAontas tairbhe iomlán as buntáistí glactha den chéaduair
• beartas intleachta saorga aailíniúchun ilroinnt a bhaint agus aghaidh a thabhairt ar dhúshláin dhomhanda

Chun an méid sin a bhaint amach, leagtar amach sa phlean nuashonraithe ceithre phríomhthacar de chuspóirí beartais, arna dtacú le gníomhaíochtaí nithiúla agus lena léirítear sásra cistiúcháin a d’fhéadfadh a bheith ann agus an amlíne chun an méid seo a leanas a dhéanamh:

1. coinníollacha cumasúcháin a leagan síos d’fhorbairt agus do ghlacadh na hintleachta saorga san Aontas
2. an tAontas Eorpach a dhéanamh den áit ina mbeidh rath ar an sármhaitheas ón tsaotharlann go dtí an margadh
3. a chinntiú go n-oibríonn teicneolaíochtaí intleachta saorga do dhaoine
4. ceannaireacht straitéiseach a fhorbairt in earnálacha ardtionchair

Infheistíocht

Mholan Coimisiún go ndéanfadh an tAontas EUR 1 bhilliún ar a laghad in aghaidh na bliana a infheistiú san intleacht shaorga ón gclár Fís Eorpach agus ón gclár don Eoraip Dhigiteach. Ba cheart do chistiú ar leibhéal an Aontais maidir leis an intleacht shaorga infheistíocht a mhealladh agus a chomhthiomsú chun comhar a chothú i measc na mBallstát agus an tionchar is mó is féidir a imirt trí dhul i gcomhar le chéile.

Leis an tSaoráid Téarnaimh agus Athléimneachta, cuirtear deis gan fasach ar fáil chun an intleacht shaorga a nuachóiriú agus infheistíocht a dhéanamh inti. Tríd an méid sin, is féidir leis an Aontas a bheith ina cheannaire domhanda maidir le teicneolaíochtaí intleachta saorga atá duinelárnach, iontaofa, slán agus inbhuanaithe a fhorbairt agus a ghlacadh.

Cúlra

Tá dlúthchomhar idir naBallstáit agus an Coimisiún agus tháinig siad le chéile go rialta chun obair a dhéanamh ar na príomhghníomhaíochtaí a moladh i bPlean Comhordaithe 2018. Rinne siad dul chun cinn i ngach réimse den phlean, lena n-áirítear trí straitéis sonraí a mholadh, trí thacú le fiontair bheaga agus mheánmhéide agus trídhálaí barr feabhais a chruthú sa taighde agus san fhorbairt agus i nglacadh na hintleachta saorga san Eoraip.

Ar an iomlán, deimhníodh sa chéad dá bhliain de chur chun feidhme go bhfuil gníomhaíochtaí comhpháirteacha agus comhar struchtúrtha idir na Ballstáit agus an Coimisiún ríthábhachtach d’iomaíochas domhanda an Aontais agus dá cheannaireacht i bhforbairt agus i nglacadh na hintleachta saorga. Tá straitéisí náisiúnta intleachta saorga glactha ag formhór na mBallstát agus thosaigh siad á gcur chun feidhme. Tá méadú tagtha ar infheistíochtaí san intleacht shaorga, agus bhí an tAontas in ann acmhainní criticiúla a shlógadh chun tacú leis na próisis sin.

I bPlean Comhordaithe 2021 iarrtar ar na Ballstáit straitéisí náisiúnta intleachta saorga a athbhreithniú agus a thabhairt cothrom le dáta de réir mar is gá. Tá nuashonrú déanta cheana féin ag roinnt Ballstát ar a gcuid straitéisí tosaigh.

Léirítear sa tábla thíosan chaoi a bhfuil dul chun cinn déanta ag 23 thír as 27, chomh maith leis an Iorua agus an Eilvéis, lena straitéisí náisiúnta. Táthar ag súil freisin go bhfoilseofar na straitéisí náisiúnta atá fágtha go luath.