Monitor tal-pluraliżmu tal-midja

L-Għodda għall-Monitoraġġ tal-Pluraliżmu tal-Media (MPM) ġiet adattata u mmodernizzata biex tqis il-mod li bih l-iżviluppi diġitali jħallu impatt fuq il-pluraliżmu tal-media madwar l-Ewropa. L-MPM se jservi bħala sors ewlieni ta’ informazzjoni għall-angolu tal-libertà tal-media tal-ewwel rapport annwali li jmiss dwar l-istat tad-dritt, skedat għall-pubblikazzjoni f’Settembru 2020.

L-Għodda għall-Monitoraġġ tal-Pluraliżmu tal-Media

L-MPM jivvaluta r-riskji ffaċċjati mill-pluraliżmu tal-media abbażi ta’ sett ta’ 25 indikatur ewlieni taħt 4 oqsma differenti:

1. protezzjoni bażika
2. il-pluralità tas-suq
3. indipendenza politika
4. l-inklużività soċjali.

L-indikaturi jindirizzaw kwistjonijiet legali, ekonomiċi u soċjopolitiċi. Is-servizz pubbliku, il-midja kummerċjali u komunitarja huma kollha koperti mill-moniter,

L-MPM hija għodda dijanjostika mfassla biex tipprovdi fehim wiesa’ tar-riskji għall-pluraliżmu tal-media fi Stat Membru. Il-valutazzjonijiet jitwettqu b’mod indipendenti u trasparenti f’konsultazzjoni mal-esperti tal-media f’kull pajjiż.

L-MPM tirrikonoxxi li politiki u approċċi regolatorji differenti jistgħu japplikaw għal tipi differenti ta’ midja kemm jekk xandir, stampar jew midja diġitali. Wara l-aġġornament tiegħu fl-2018 huwa jħares ukoll lejn l-impatt tal-pjattaformi diġitali. 

Il-monitoraġġ tal-pluraliżmu tal-media fl-era diġitali – MPM2021

Fl-2019, il-Parlament Ewropew alloka baġit ta’ €1,000,000 immirat lejn l-irfinar tal-MPM2020 u lejn l-iżgurar tal-implimentazzjoni kontinwa tiegħu.  Il-Kummissjoni Ewropea tat għotja liċ-Ċentru għall-Pluraliżmu u l-Libertà tal-Media (CMPF) fl-Istitut Universitarju Ewropew. L-għotja l-ġdida bdiet fl-1 ta’ Marzu 2020.

Il-monitoraġġ tal-pluraliżmu tal-media fl-era diġitali – MPM2020

Il-Parlament Ewropew alloka baġit ta' €750,000 fl-2018. Dan il-baġit kien immirat lejn l-adattament tal-MPM għall-ambjent diġitali u l-iżgurar tal-implimentazzjoni tiegħu.  Għal dan il-għan, il-Kummissjoni Ewropea tat għotja liċ-Ċentru għall-Pluraliżmu u l-Libertà tal-Media (CMPF) fl-Istitut Universitarju Ewropew.

Fl-2019, is-CMPF wettaq studju dwar l-indikaturi meħtieġa biex jiġu vvalutati r-riskji għall-pluraliżmu tal-informazzjoni fl-era diġitali. Aktar tard hija implimentat dan fl-MPM2020 madwar l-Istati Membri tal-UE u f’żewġ pajjiżi kandidati, li jkopri s-snin 2018 u 2019. Aċċessa r-riżultati tal-MPM2020.

Sfond

L-istudju oriġinali

L-Għodda għall-Monitoraġġ tal-Pluraliżmu tal-Midja ġejja minn studju inizjali mill-2009 li sar minn grupp ta’ 3 istituti akkademiċi: ICRI, Katholieke Universiteit Leuven; CMCS (Università Ċentrali Ewropea) u MMTC (Jönköping International Business School) - f'kooperazzjoni ma' Ernst & Young Belgium. L-istudju żviluppa għodda ta’ monitoraġġ għall-valutazzjoni tar-riskji għall-pluraliżmu tal-media fl-Istati Membri tal-UE abbażi ta’ sett stabbli ta’ indikaturi.

Simplifikazzjoni u ttestjar tal-MPM – fażi 1

• Fl-2013, il-Parlament Ewropew alloka baġit ta' EUR 500 000 għas-simplifikazzjoni u l-implimentazzjoni pilota tal-MPM;
• Il-Kummissjoni Ewropea sussegwentement tat għotja liċ-Ċentru għall-Pluraliżmu u l-Libertà tal-Media (CMPF) fl-Istitut Universitarju Ewropew għall-implimentazzjoni tal-proġett pilota;
• L-ewwel sena ta’ din l-azzjoni nqasmet f’żewġ flussi, waħda li tiffoka fuq is-simplifikazzjoni, waħda fuq l-ittestjar ta’ disa’ Stati Membri (il-Belġju, il-Bulgarija, id-Danimarka, l-Estonja, Franza, il-Greċja, l-Ungerija, l-Italja u r-Renju Unit);
• Is-CMPF  għażel dawn id-9 pajjiżi fuq il-bażi ta’:
  • it-tipoloġija tal-midja u tas-sistemi politiċi;
  • kriterji ġeografiċi;
  • id-daqs tas-suq tal-midja (inklużi l-popolazzjoni u t-territorju);
  • valutazzjonijiet politiċi eżistenti tal-livell tal-libertà u l-pluraliżmu tal-media.
• Ir-rapport finali tal-ewwel fażi ġie ppubblikat f’Jannar 2015.

Simplifikazzjoni u ttestjar tal-MPM – fażi 2

• Fl-2014, il-Parlament Ewropew alloka baġit ieħor ta' EUR 500 000 għall-kontinwazzjoni tal-ittestjar b'mod komplementari għal dak preċedenti.
• Matul din it-tieni fażi tal-proġett, li bdiet minn Novembru 2014, is-CMPF  ivvaluta l-vijabbiltà u r-rilevanza tal-indikaturi. Hija ttestjathom fid-19-il pajjiż tal-UE li ma kinux koperti matul l-ewwel fażi pilota (l-Awstrija, il-Kroazja, Ċipru, ir-Repubblika Ċeka, il-Finlandja, il-Ġermanja, l-Irlanda, il-Latvja, il-Litwanja, il-Lussemburgu, Malta, in-Netherlands, il-Polonja, il-Portugall, is-Slovakkja, is-Slovenja, Spanja u l-Iżvezja).
• Ir-riżultati huma disponibbli.

MPM – fażi 3

Fl-2016 ingħatat għotja ta’ EUR 500 000 biex titkompla l-valutazzjoni tar-riskji għall-pluraliżmu tal-media. Dan ingħata fil-kuntest ta' azzjoni preparatorja appoġġata mill-Parlament Ewropew. 

Matul din it-tielet fażi, imwettqa wkoll mis-CMPF, ir-riċerkaturi tal-proġett ivvalutaw ir-riskji fl-Istati Membri kollha tal-UE, kif ukoll f’żewġ pajjiżi kandidati: it-Turkija u l-Montenegro. Ir-riżultati ta’ dan ir-rawnd huma disponibbli.

MPM – fażi 4

Iċ-Ċentru għall-Pluraliżmu u l-Libertà tal-Media (CMPF) fl-Istitut Universitarju Ewropew implimenta l-Għodda għall-Monitoraġġ tal-Pluraliżmu tal-Media (MPM) fl-Istati Membri kollha tal-UE fl-2017, kif ukoll fis-Serbja u dak li dak iż-żmien kien FYROM (illum il-Maċedonja ta’ Fuq).

Għal dan il-għan, ingħata baġit ta' €350,000 għal azzjoni preparatorja appoġġata mill-Parlament Ewropew. Ir-riżultati tal-eżerċizzju tal-2017 ġew ippubblikati fl-2018.